呢個下午，看了我哋創富坊陳慧儀強力推薦嘅《3 Idiots》，一套接近3個鐘頭嘅印度電影。
慧儀形容，呢套係一套好值得睇嘅電影，3個鐘頭一啲悶場都冇，而且佢當中嘅教誨道理，係好適合家長去吸收。
慧儀一啲都冇講錯，戲裡面有笑有淚，諷刺現時代的教育同社會制度，清一色培訓出只會死背誦的機械，讀書只係為成績，背負起父母對自己的期望。
戲裡面，講比我哋知，讀書唔係為左張沙紙，唔係為左做社會名流，而係應該喺自己有興趣嘅方面，努力鑽研。喺學習嘅過程裡面，得到吸收新知識嘅喜悅。但係依家嘅學生，讀書等同於死背爛背，背嘅都係老師要求嘅標準答案。從沒想過只要有好奇心，就會動腦筋發揮創意，活學活用。
而且，每個人有自己嘅興趣同強項，我哋要根據本性，活出屬於自己嘅人生，唔係迎合社會裡面傳統價值觀。
同Steve Jobs嘅道理同出一轍，唔好活在別人的夢裡。Stay hungry, stay foolish.
沒有留言:
張貼留言